獲德國研究確認手機幅射量最多的小米手機，在 小米 Note 10 Pro 推出後再次備受關注，不過小米問題不是一時三刻可以解決的，而最新的問題更直接出現在他們的 IP Cam 上。小米的 IP Cam 出名平，但一直被指平就會有後門，會被人睇到你屋企做咩，而今次就唔止係強力部門先睇到，就連普通人都睇到小米 IP Cam。
話說一位芬蘭 Reddit 用戶 Dio-V 將小米 IP Cam 連接 Google Home 後，連結顯示的卻是別人的 IP Cam，可以直接睇到別人的屋內情況，包括嬰兒床中睡覺的情況，可見問題有多大。據報導，該用戶使用的是 Firmware 版本 3.5.1_00.66 的小米米家 1080p 相機。
對於呢個咁危險嘅情況，Google 反應仲快過小米，直接話暫停同小米係 Smart Home 嘅連結，會全部禁用，真係可喜可賀！「我們已經意識到了這個問題，並正在與小米聯繫以進行修復。同時，我們已經禁用了 Google 設備上的小米設備集成功能。」
點解會有咁嘅問題？有關方面暫時梗係話未知，但如同唔少網友講，呢位用戶應該係唔小心打開左「Big Brother」模式，真正係「Big Brother is Watching YOU」。你仲傻下傻下走去買小米鏡頭？我真係恭喜你呀
