依家人人都可以拍片，人人都可以係YouTuber，但究竟又係咪個個都識做YouTuber？你睇下依家有幾多人想做YouTuber，再睇下依家成功嘅YouTuber，可能你會話咪有樣有身材、事業線馬甲線，一係就冇樣但風趣幽默，雖然on9但就係好好笑。但係依家即使有齊晒頭先嗰啲元素，冇咗呢兩樣嘢你都應該做唔成。
一係鏡頭，不過依家啲手機都可以好清，戲都可以用部iPhone拍，拍片冇相機都唔係最大問題，但第二樣嘢就真係難啲喇，就係收音咪！
可能你依家想串我「你都識講依家啲手機咁勁，手機mic收音都可以啦」咁你就錯喇。。。
____
是次影片由網購平台「anlander 好貨加」贊助
用以下連結，使用優惠碼於 anlander.com 消費全部貨品可享 95折優惠，快啲去買嘢喇喂！
網址：https://anlander.com
優惠碼：AudienceDigest
____
智能家居系列：https://www.youtube.com/watch?v=tjpbv1CUiYk&list=PLX2vP5KALPjs1p3uAoS5tfbK7G_sRFe9Q
Android TV 教室：https://www.youtube.com/watch?v=tjpbv1CUiYk&list=PLX2vP5KALPjs1p3uAoS5tfbK7G_sRFe9Q
iPhone 教室：https://www.youtube.com/watch?v=tjpbv1CUiYk&list=PLX2vP5KALPjs1p3uAoS5tfbK7G_sRFe9Q
IP Camera 橫評系列：https://www.youtube.com/watch?v=ijiMyqNBtVs&list=PLX2vP5KALPjtSq8paNkmzkswVSizgxQOQ
產品橫評：https://www.youtube.com/watch?v=ijiMyqNBtVs&list=PLX2vP5KALPjtSq8paNkmzkswVSizgxQOQ
選購指南：https://www.youtube.com/watch?v=ES12ZAQuviU&list=PLX2vP5KALPjtb6ZY5O6UXJLwOLs2azWce
____
追蹤 AD研究所 即時動態⬇︎
YouTube ☛ https://buy.audiencedigest.info/youtube
Instagram ☛ https://instagr.am/audiencedigest
Facebook ☛ https://fb.me/audiencedigest/
____
橫評系列都係自費，連贊助產品都唔接受，所以橫評後產品都會賣出來幫補家計，入來望下睇下啦喂！
橫評系列：https://buy.audiencedigest.info/review
樣品發售：https://buy.audiencedigest.info/sample
____
主持：Jace
撰稿：Terry
拍攝：士巴拿
剪接：士巴拿
____
#AD科技野
#AD選購指南 #買前必看 #懶人包
#廣東話 #AD研究所 #收音咪
手機同無線收音咪嘅收音絕對係差天共地。想知道究竟有咩分別、mic點樣叫好、點叫靚聲就等我哋嚟話你知！打破你一直以黎覺得個個無線收音咪都差唔多嘅誤解！
市面上你可能見到舊舊無線收音咪都差唔多樣，都係方形一舊好迷你嘅嘢，收音個聲得唔得如果唔係熟悉嘅話應該都真係0知點揀！所以首先第一樣嘢我哋要認清咗收音咪嘅3大基本規格先！
開始之前，記得訂閱我地 AD研究所，我地會繼續製作關於家居與科技嘅影片，等大家可以做一個精明選擇。
第一樣係指向性。一般嘅收音mic都根據收音範圍嘅唔同，分為全指向同單一指向性兩種。全指向就即係咪嘅結構可以聽到360度嘅聲音。如果需要好多人同步收音或者收環境聲嘅話，就應該揀全指向款，先可以清楚收到周圍嘅聲，不過當然同時都會比較容易收到環境嘅雜音。而單一指向就淨係可以收到嚟自同一個方位嘅聲，集中咗同一個方向收音就自然會收得少啲雜音，收音就清楚啲。多數如果係現場唱歌表演或者一個人嘅訪問就好啱用喇。不過如果冇對準咪嘅話就有機會會收得細聲咗，聽起嚟嘅空間感都冇咁真，所以要留意錄音嘅時候嘅收音方向！
|
第二就係連接方式。一般收音咪都有分無線同有線，不過今日我哋主要講嘅係無線收音咪。無線收音咪顧名思義冇左條電線就梗係會方便啲要一路旭動一路收音嘅情況，唔會有條線kick住kick住。不過無線同有線比，因為佢地多用藍牙或用 wifi frequency connect，所以會有機會connection唔穩定甚至斷connection。同埋如果拍攝時間長，都要留意住個咪會唔會容易冇電。我就係成日拍嘢之前唔記得幫佢叉電！
第三，收音頻率。唔知大家有冇聽過咩係sampling rate 或者kilohertz？其實就係當你錄音嘅時候，收音嘅收得有幾精細有幾密，即係你錄一分鐘音，如果佢1秒採一次就會收到60次音，但係如果佢半秒採一次就會收到120次音，咁你覺得幾耐收一次啲聲會靚啲呢？
係喇就係半秒採一次，因為嗰個頻率高啲，自然啲聲就會密啲，收嘅音就會細緻啲喇。所以sampling rate收音頻率越高，一般音質就會越細緻同清晰。而kilohertz就係佢嘅單位，例如人講野嘅頻率係0.05-0.5kHz，唱歌嘅頻率係0.05-1.5kHz，而樂器就要15kHz，可以按照自己要錄嘅嘢而揀！
有啲人覺得頻率範圍闊啲，就即係個咪可以應用到嘅嘢多啲，錄人講野又清，錄樂器又清咁，但其實頻率範圍窄啲先至可以filter就唔想要嘅聲，例如如果頻率範圍係10-15kHz，而你錄緊樂器嘅同時屋企個阿媽係度bilibala，就可以filter走佢把聲，所以頻率範圍窄，收音嘅穩定性會高啲。
市面上有啲係著重高低音音質嘅，所以都係嗰句！要真係視乎自己收音錄音嘅用途嚟揀㗎！如果齋錄人聲好似我依家咁，揀音頻窄啲嘅就可以；當然如果係錄樂器嘅話就一定要確保收音範圍夠廣喇，如果唔係啲聲就會唔夠靚同清晰！
所以講完呢3大點，大家應該都好清楚真係真係真係要按住用無線收音咪嘅目的嚟揀。咁不如就考下大家分唔分到啦。
第一個情境：如果你要用嚟做演講、又或者係老師或者professor教書，應該揀邊種呢？比2秒你諗諗，係喇就係無線單一指向嘅收音咪，因為演講教書呢啲有機會要行嚟行去咁講，有時又要去電腦gum powerpoint、又要去黑板寫嘢咁，同埋只需要收到一個人嘅聲音，單一指向就比較啱。啊！諗起仲有一樣嘢要留意，就係因為你講書演講呢啲收完音會要喺喇叭音箱度輸出返，所以要make sure咪同ouput嘅接頭match唔match，多數都會係XLR, 6.35mm或者3.5mm，呢樣嘢就要自己留意返喇。
好，第二個情境：如果你係要做電視台要拍電視節目，例如膠戰嗰啲，咁你應該揀咩咪比啲藝人戴呢？一樣比2秒時間你，好，答案就係全指向嘅無線收音咪！因為拍節目環境營造現場感都好重要，所以你唔淨止要收到藝人講野嘅聲音，even係佢哋跑步腳步聲、隔離嗰個打佢拍一聲都要收到，咁就要用全指向性喇。咁如果係YouTuber出街拍vlog呢？係喇都一樣係全指向啦，因為舉例如果單一指向，你話自己去咗街市但係冇乜街市應該有嘅背景聲就會好奇怪！所以一樣都係全指向。
無線收音咪仲有一樣嘢要留意嘅就係差一次電可以用幾耐！一般拍嘢都唔會話好快可以搞掂，多數點都要搞夠幾個鐘。如果唔想要拍拍下嘢個咪冇電，比個咪阻住晒，搞到要暫停拍攝比佢叉電嘅話，就一定要揀啲電池續航力高嘅款，大約可以用到6、7個鐘就已經好好。
