挑選冷氣機個陣有兩大要點，第一係製冷能力，第二係慳電能力。
細細個成日聽呀媽講買冷氣要睇幾多”匹”，其實”匹”講緊嘅係部冷氣機嘅用電量，用電量愈高，就唔等於製冷量愈勁。但因為坊間D人講下講下，幾多”匹”就成為左其中一個買冷氣機嘅量度單位。但其實冷氣機嘅製冷能力，通常以 BTU/h 又或者係Ki lo wah 作為量度的單位；市場上俗稱嘅1匹 大約等於 9000 BTU/h。1000 Ki lo wah 大約等於 3412 BTU/h。同樣匹數的冷氣機，都可以有唔同嘅 BTU，BTU/h越大，則冷凍力越強，相對也都更慳錢。
但製冷能力需要配合房間面積同埋位置，如果係間房西斜，太陽光照入黎，散熱能力慢，製冷能力就要強D。
要知道冷氣機慳唔慳電，就係要睇冷氣機的能量效率比系數 全名叫 Energy Efficiency Ratio。同一匹數或者相同製冷能力的嘅冷氣機，佢嘅系數愈大，效率就愈高，用電量就愈小。市場上嘅冷氣機 EER 都介乎8至10之間。佢嘅計算方法係 (EER) 等於冷卻能力除以耗電量。
嫌計EER 好煩，可以學識下睇能源標籤，一級最慳電，五級最廢。根據機電工程署網頁的資料，以窗口式冷氣機為例，1級能源標籤就比3級慳左11%嘅能源；1級分體式冷氣機比3級嘅慳左36%嘅能源。
呢一張係能源標籤嘅圖，第一個數字顯示冷氣機的全年的耗電量，數字愈細愈好，坊間可見都是幾百千瓦小時，由 300 至 900 之間亦有，當數字愈小就代表愈慳電。能量標籤上面嘅第二個數字就代表冷氣機嘅製冷量，數字愈高自然愈好，我地可以按自己嘅環境需求去選擇冷氣機。機電署係2021年12月31起更新左能源標籤嘅標準，宜家標準嘅冷氣機參考編號第一個英文字母係”C”；新參考編號係字母前加上 “U2” 作為識別。
