要了解點樣買一部好嘅冷氣機，首先要了解一下冷氣機嘅原理。冷氣機嘅原理係透過裏面嘅製冷劑，即係雪種，不斷循環流動，吸收室內嘅熱力再帶到室外，再將冷空氣帶返入室內。
冷氣機由3個部分組成，當中包括：散熱＋壓縮機＋冷風。散熱嘅部分負責液化製冷劑，用風扇將熱力排出室外；冷風部分即係蒸氣機，用風扇將冷風吹入室內。當中嘅壓縮機負責增加壓力，幫助製冷劑吸熱、放熱。
由於佢係摩打，啓動個陣難免會發出聲音，而我地夜晚開冷氣時覺得嘈，除左因為摩打轉動嘅聲音，有部分原因都係因為當裝冷氣時裝得唔好，令機體同窗框發生碰撞，或者冷氣機嘅塑膠面蓋老化，接駁位唔夠繄，都有機會因為震動而令佢變嘈。所以大家買冷氣安裝個陣最好搵個專業又或者係相熟師傅呀！
