XTREMTEC XT100 真無線藍牙耳機，加推黑色版本

追求以合理價錢推出產品的 XTREMTEC 最新推出入門款的真無線藍牙耳機 XT100，標榜使用時間最高可達 31小時，售價 $358，以一款真無線藍牙耳機來講都算平囉。今日，XTREMTEC 宣佈在香港加推黑色版本的 XT100。

呢款 XT100 耳機係用 Bluetooth 5.0 ，竟然係有 IPX6 防水功能，確實有少少驚喜，始終戴耳機無話係落雨又好，跑步嘅汗水都好，最怕就係濕，一濕就壞咁點得呢！有 IPX6 防水確實好好多。

播放時間上，XT100 可以連續播放 7 小時，如果配合理內置 400mAh 電池嘅充電盒仲可以用多 24小時，夾埋有 31小時，確實係幾好的。其他規格仲有使用 USB-C 充電，連線範圍可以達到 10米，可以係 -10度及高達 40度下運作，重量都只係 45.6g。