【開箱評價】Sony Xperia 1 III ：賣成萬蚊值唔值呀？

Sony Xperia 1 III 獨有 4K 120fps 螢幕及每秒 20 張連拍功能，最多人討論都係定價賣到成萬蚊，好多人會話不如買 iPhone，不如買 Samsung 啦，究竟係咪真係咁趕客呢？

Sony Xperia 1 III 硬件規格

螢幕尺寸：6.5 吋 AMOLED (3840 x 1644)
機身體積：165 x 71 x 8.2 mm
重量：187g
處理器：Snapdragon 888
儲存空間： 12GB/256GB、12GB/512GB
系統：Android 11
主相機：1200 萬像素 f/1.7 光圈 24mm 廣角鏡頭、1200 萬像素 f/2.2 光圈 16mm 超廣角鏡頭、1200 萬像素 70mm 與 105mm 雙焦距潛望鏡頭
前置相機：800 萬像素
電池容量：4500 mAh
SIM 卡：nano-SIM
防水：有，IP68
無線充電：有
5G：有，5G+4G 雙卡雙待
NFC：有
WiFi 6：有，達 WiFi 6E
屏幕刷新率：120Hz
屏下鏡頭：無
其他：支援 3.5mm
定價：12GB/256GB HK$9,299、12GB/512GB HK$9,999

外型無乜新鮮感

當 Samsung Galaxy S21 同埋 iPhone 12 都換上新設計時，Sony Xperia 1 III 仍在保留 Xperia 1 與 Xperia 1 II 的修長機身設計。的確擁有 6.5″ 21:9 比例 4K 螢幕 Sony Xperia 1 III 機身長度是比起上兩代有所縮減，無以前咁似拎住個遙控器，加上扁平的側框，都令手感有一定進步。

擁有 6.5″ 21:9 比例 4K 螢幕

設 800 萬像素前鏡頭

扁平的側框

Sony Xperia 1 III 設計的進步，只有在側框加入 Google Assistant 掣，另外現在手機較少見的快門掣，加上金屬網紋，按下手門的手感更出色，並保留用家最愛的 3.5mm 插頭，同埋唔洗用工具打開的 SIM 咭槽。但當大部份 Android 旗艦機都用屏幕指紋識別功能時，Xperia 1 III 仲用緊機側的指紋迫別器，產品設計要追落後的地方還有不少。

側框加入 Google Assistant 掣

快門掣加上金屬網紋

保留用家最愛的 3.5mm 插頭

唔洗用工具打開的 SIM 咭槽

磨沙機背

設三鏡主相機

接近原生 Android 介面，主要加入遊戲模式

Sony Xperia 1 III 運行 Android 11 系統，操作接近原生 Android 介面，意味大部份 Android 手機擁有的系統操作功能，如應用雙開等實用功能，都不能於 Sony Xperia 1 III 使用。

Sony Xperia 1 III 系統操作主要加入側屏幕介面、啟動 120Hz 螢幕刷生率、將 Camera Pro 完全取代以往 Sony 手機的拍攝介面，以及加入遊戲增強器。遊戲增強器內有遊戲模式，可以將手機的效能發揮到最高，還可用 H.S 電源控制功能，當用火牛供電時，會跳過電池直接供電，令手機減少發熱情況。

啟動 120Hz 螢幕刷生率

加入遊戲增強器

遊戲增強器還有多任務處理，可玩遊戲時同時觀看 YouTube 或啟動特定應用；螢幕可因應玩家需要，調整遊戲畫面的亮度，對戰時通話的聲音，亦可經 V.C 話筒音質功能提升。

遊戲增強器還有多任務處理

螢幕可因應玩家需要，調整遊戲畫面的亮度

對戰時通話的聲音，亦可經 V.C 話筒音質功能提升

效能頂級，續航力認真麻麻

作為旗艦機，Sony Xperia 1 III 亦像大部份同級手機用 Snapdragon 888 CPU，設 12GB RAM，亦有 256GB/512GB ROM 版本選擇，Antutu 跑分都是頂級。由於兩個版本定價都相差不遠，買大一倍容量版本會更好。Sony Xperia 1 III 連接支援 WiFi 6 及 5G 網絡，4500 mAh 電量亦都比以往加大，但 120 Hz 螢幕刷新率，亦都比以往的 60Hz 螢幕食電，所以 PCMark 3.0 使用時間測試，只有 9 小時 44 分鐘，續航力認真麻麻地。

Sony Xperia 1 III 的 5G 網絡測試

Sony Xperia 1 III 嘅 WiFi 規格僅支援 WiFi 6E，手機網絡支援 5G 網絡，我地係中環碼頭進行速度測試，使用中國移動香港測速達到 240Mbps，屬正常合理水平。

5G 月費計畫最低 $168

如果換Sony Xperia 1 III 之餘，又想升級去 5G 月費計畫，可以參考中國移動香港 CMHK 的 5G 月費計畫，當中有一個 $168 的計畫，簽訂 24個月，包括香港無限通話分鐘、10GB 5G 計畫，加 1Mbps 速度無限數據。此計畫在網店輸入「S500」優惠碼附送 $500 超市禮劵，再送 24個月 myTV SUPER App 基本版、免 1 個月月費、免 $18 行政費及免運費。其他計畫資料如下：

5G服務計畫
月費(24個月約)	$198	$298	$398	$498
本地數據	30GB	100GB	200GB	300GB

三鏡相機，拍攝介面似相機

將遠攝鏡換上了 70mm 與 105mm 雙焦距潛望鏡頭的 Sony Xperia 1 III，加上 24mm 廣角鏡頭同埋 16mm 超廣角鏡頭，大部份拍攝場景都有合適鏡頭可以使用。而且今次 Sony 只有 Camera Pro 一個影相軟件，為左方便一眾用家，加入了 Basic 模式，已經可以在全自動的環境下，進行最高每秒 20 張連拍。P、S、M 模式，操作就好似 Sony 相機，習慣用 Sony 相機嘅朋友應該駕輕就熟。

Camera Pro 加入了 Basic 模式

設 P、S、M 模式

操作就好似 Sony 相機

對焦連拍都超快，但唔係無缺點

Sony Xperia 1 III 未必係影相最靚的手機，但講到對速同埋連拍，佢敢認第二，都無其他機敢認做第一，如果比大家親身試下街拍，你就會感受到佢三支鏡對焦都係超快，無論日光同埋低光，按半下快門就立即可以對到焦。連拍時仲可以按螢幕位置，將主體鎖定追焦，連拍成功率亦非常高。不過佢嘅對焦系統都唔係無弱點，如果拍攝植物，如似影一朵花，行近拍攝時，反而會好易出現失焦。