【開箱評測】Amazfit GTS 2 mini：電力特長的低價智能錶

除左 Apple Watch、Samsung Galaxy Watch 同埋 Huawei Watch 之外，其實市場都有唔少智能錶可以選擇，好似今次試嘅 Amazfit GTS 2 mini，運動測量功能一樣齊全，而且仲只係賣 HK$699，究竟好唔好用，就真係要睇睇今次真心評測啦。

Amazfit GTS 2 mini 硬件規格

螢幕尺寸：1.55 吋 354 X 306 解像度 AMOLED (301PPI)
機身體積：40.5 × 35.8 × 8.95mm
重量：19.5g
支援系統：Android 5.1 或 iOS 10.0 及以上版本
電池容量：220 mAh
其他：5 ATM 防水、藍牙 5.0、加速度傳感器、陀螺儀傳感器、生物數據傳感器
定價：HK$699

鋁+塑膠製造，耐用度成疑

Amazfit GTS 2 mini 外型逃不出像 Apple Watch 的影子，好似一隻縮小版 Apple Watch，就連錶殼的厚度都有所縮減，戴感比 Apple Watch 更貼手輕巧。1.55 吋螢幕如果用預設的錶面，顯示時間部份會顯得好細，較難清晰睇到時間，失去一隻錶基本用來睇時間的意義。錶冠主要用作退出及開關，錶帶都有像一般智能錶加入快拆扣，方便更換其他錶帶。

不過睇番產品資料，錶殼係用鋁+塑膠製造，帶綠色的錶殼部份，如果用塑膠製造，連接錶帶的位置，就可能會因用力拉扯錶帶時，令扣位破裂。破裂的話整隻 Amazfit GTS 2 mini 都會報銷，耐用度的確成疑。

錶殼只有 8.95mm，戴感比 Apple Watch 更貼手輕巧

錶冠主要用作退出及開關

錶帶都有像一般智能錶加入快拆扣

錶底不知是用鋁或塑膠製造

連接錶帶的位置耐用度成疑

連接 Zepp App 使用

Amazfit GTS 2 mini 需要連接 Zepp App 使用，如果大家登入時，選擇性別為女姓，會自動加入女性健康監測器，會預測月經與安全期的日子。

App 內都會好似大部份智能手錶，可以下載其他錶面，記錄用家的運動與身體狀況，資料亦可分享到 Wechat 或 Google Fit 等平台，亦可透過心率廣播或藍牙廣播功能，讓周圍的智能裝置，可以取得用家的心率資料。一大班朋友行山或運動時，分享功能就有一定作用。

Zepp App 還有多種運動測量記錄，如跑步時，就可以用手機的 GPS 記錄跑步路線。

Amazfit GTS 2 mini 錶內可控制大部份功能

連接 Zepp App 的 Amazfit GTS 2 mini，單用手錶已經可以操作大部份功能，包括運動測量、持續測量心率、手動測量壓力、手動測量血氧飽和度、睡眠質素、PAI 活力指數及運動紀錄等。使用時雖然已經將設定提供所有授權，但手機的通知都不能在 Amazfit GTS 2 mini 顯示，所有來電與訊息通知及播放器遙控等都不等使用，希望軟件升級能將問題解決。