小米香港喺上個月就一炮過推咗小米手錶運動版同小米手錶超值版兩隻手錶，其實即係中國大陸晨早出咗嘅小米手錶Color 運動版 同 Redmi 手錶。其中小米手錶運動版就貴啲，但都只係 $899，呢個價錢有乜功能？
小米手錶運動版規格
適用系統:iOS 10.0 以上或 Android 5.0 以上
顯示屏尺寸:1.39 吋
時間顯示:有
GPS定位:有
藍牙:支援
心率感應器:有
無線充電:不支援
支援SIM卡:不支援
防水功能:5ATM
使用時間:最長續航 22 天
小米手錶運動版用磁吸充電
小米手錶運動版配備 1.39 吋圓形屏幕，支持 Always-On Display。手錶玻璃採用 2.5D 半曲面設計，右邊有 Home 掣同 Sport 鍵。手錶就支持 94 款錶面，手帶有三款顏色選擇，但係包裝盒淨係會有一條手帶，想要其他色就要自己買喇。
手機係用磁吸座充電，以一千蚊以內的手錶，預咗架喇。
小米手錶運動版功能
小米手錶運動版同樣係一隻 sell 運動功能嘅手錶，除咗 17 種常用運動模式，仲可以選擇額外 100 種嘅運動模式，例如有浮潛、雪橇，甚至連肚皮舞都有！之後當然唔少得壓力檢測、血氧測試等等。至於小米手錶運動版終於配備 GPS，唔洗靠手機就可以記錄觸跡。
常用專業運動模式包括鐵人三項、戶外跑步、室內跑步、健走、戶外騎行、登山、開放水域游泳、室內單車、太空漫步機、越野、徒步、泳池游泳、划艇機、跳繩、高強度間歇訓練、瑜伽及自由活動。
- 游泳與水上運動
- 帆船、漿板、水球、水上運動、滑水、皮划艇、皮艇漂流、划船、摩托艇、蹼泳、跳水、花式游泳、浮潛、風箏衝浪
- 戶外運動
- 攀岩、滑板、輪滑、跑酷、沙灘車、滑翔傘
- 有氧無氧訓練
- 爬樓梯機、爬樓梯、踏步機、核心訓練、柔軟度訓練、普拉提、體操、伸展運動、力量訓練、混合健身訓練、有氧健身操、健體訓練、丟牆球、啞鈴、槓鈴、舉重、硬舉、剝皮跳、仰臥起坐、功能訓練、上身訓練、下身訓練、腹肌訓練、背部訓練
- 舞蹈
- 廣場舞、肚皮舞、芭蕾舞、街舞、尊巴、民族舞、爵士舞、拉丁舞
- 拳擊
- 拳擊、摔跤、武術、太極、泰拳、柔道、跆拳道、空手道、自由搏擊、劍術/劍道、劍擊
- 球類
- 足球、籃球、排球、棒球、壘球、橄欖球、曲棍球、乒乓球、羽毛球、網球、板球、手球、保齡球、壁球、桌球、毽球、沙灘足球、沙灘排球、藤球
- 冰雪運動
- 滑冰、冰壺、其他冬季運動、雪地電單車、冰球、有舵雪橇、雪橇
- 休閒運動
- 射箭、飛鏢、騎馬、拔河、呼拉圈、風箏、釣魚、飛盤
- 其他運動
- 馬術運動、田徑運動、賽車
小米手錶運動版 vs 華為 WATCH FIT
咁究竟小米手錶 運動版 抵唔抵買呢？我哋再同 HUAWEI WATCH FIT 對比吓。
你可以睇到係續航上，小米手錶運動版的續航比 HUAWEI WATCH FIT 好，喺 GPS 模式下都可以用到 50 小時，喺做成日運動例如行山或者露營都冇問題。至於功能上，運動模式兩者都有 100 個左右，但當連肚皮舞都有嘅時候，其實已經開始係搵運動加嘅地步，對於大眾來講兩者功能都好足夠。
| 小米手錶 運動版 | HUAWEI WATCH FIT | |
| 螢幕大小 | 1.39″（圓形） | 1.64″（方形） |
| 重量 | 32.5g | 21g |
| 防水級別 | 5ATM | 5ATM |
| 續航 | 一般使用 16 天 長續航使用 22 天 GPS 模式 50 小時 | 一般使用 7 天 長續航使用 10 天 GPS 模式 12 小時 |
| 充電方式 | 磁力充電接口 | 磁力充電接口 |
| 運動模式 | 17 項常用專業運動 100 項擴展運動 | 11 項常用專業運動 65 項擴展運動 |
| 睡眠模式 | 淺睡 深度睡眠 快速眼動睡眠 清醒狀態 | 淺睡 深度睡眠 快速眼動睡眠 清醒狀態 |
| 健康功能 | 全天心率 手動心率 靜息心率 心率曲線 壓力監測 呼吸訓練 久坐提醒 記步 目標設定 | 全天心率 手動心率 靜息心率 心率曲線 女性生理期排卵期記錄 壓力監測 呼吸訓練 記步 目標設定 |
| 智能功能 | 播放音樂 查找手機 手機靜音 來電提醒 APP消息提醒 天氣預報 計時器 倒數計時 | 遙控拍照 播放音樂 查找手機 手機解鎖 來電提醒 微信提醒 天氣預報 |
| 售價 | $899 | $888 |
總結：小米手錶 運動版 平仲要長續航
總結黎講，小米手錶 運動版比華為 WATCH FIT 只係貴十幾蚊，功能上都比華為多少少。但兩隻手錶都係 sell 運動，所以揀邊隻可能真係因為手錶形狀，或者品喜好呢啲因人而異，而係大部份嘅情況之下都唔係好個原因。但比着你揀，你會揀邊個？我就揀小米喇，最起碼小米穿戴 App 唔洗好似華為健康咁要霸住個通知欄啦！
