3HK 今天發佈新聞稿，表示其 5G 覆蓋達到 99%，但睇番 3HK 幅圖又唔係好明顯點樣係 99%，所以今天同大家講講到底 3HK 的 99% 係點樣來。
首先，根據 3HK 的指出，他們的室內、外網絡已拓展至近 600 個人氣鼎盛的人流熱點，涵蓋主要高速公路、 大型商場及商廈，當中包括唔少商場，港島、九龍及新界都有。3HK 指出，除左用 3.5GHz (N78) 外，也都重新配搭左 15hz 的 2.1GHz 網絡來做覆蓋，令最高人流的 20% 地點同時兼容 N78 及 2.1GHz（N1）。
99% 覆蓋之說從何而來？
睇番新聞稿，3HK 在覆蓋達 99% 旁有一粒「^」符號，詳細睇番「^」代表的說法，99% 指的是「根據 3 香港之基站數目計算(未有 5G 覆蓋之共享及非全控的基站除外)，預期於 2020 年 10 月底 5G 網 絡覆蓋率達 99% 。」
換句話說，點解大家下圖見到明明得一啲點有 5G，係啲高山、離島等都無 5G，又點樣全港覆蓋 99% 呢？原來這裡說的 99% 指 3HK 自家支援 5G 覆蓋的基站數目，並唔係全香港土地面積，確實係一個美麗的誤會。當大家明白後也都知道 99% 這個數字是從何而來。
事實上，係高山或者離島呢啲人跡罕至嘅地方覆蓋 5G 也都無咩意思，始終香港人去得較多的都係城市，而 5G 追求基站數量要多，要密，放多啲基站係人多嘅地方確實較好。
