與以往香港 4 大主要電訊商會同日出稿表示自己在港鐵提供新服務不同（因為過去都係用同一條線，所以一齊公佈），今日 SmarTone 自己公佈佢地已經將 5G 擴展至香港 7 條地鐵線。雖然叫就叫覆蓋香港 7 條地鐵線，但其實唔係站站有及線線有，而係得部份站有，但都叫有，好過無。
| 港島綫：天后 | 荃灣綫：葵芳、荔景 |
| 觀塘綫：牛頭角、觀塘、油塘、調景嶺 | 東鐵綫：九龍塘、大圍、火炭、馬場、大埔墟、上水 |
| 屯馬綫：石門、第一城、沙田圍、大水坑、馬鞍山 | 南港島綫：海怡半島 |
| 西鐵綫：南昌 |
睇番呢啲站，你又見唔見到一啲端偽呢？答案就唔講啦，大家自己估。至於今次 SmarTone 點解可以咁快有地鐵係 5G 跑得快過其他對手呢？原因好簡單，因為另外 3 間都係用華為設備，而 SmarTone 係用 Ericsson，而 Ericsson 已經行緊 4G / 5G 共用嘅 Dynamic Spectrum Sharing 技術，無需 Refarm 頻譜、使用目前 2,100MHz 頻譜就可以快速在港鐵內提供 5G 服務。所以佢地就有得行快一啲啦。至於速度係咪又快過對手咁多呢？你自己查吧！無謂多講。
