華為香港早輪在香港發表第二部的摺疊手機 Mate XS 5G，當時指於 3 月 18 日發售，售價去到 $19888，直貼兩萬。一來價錢唔係人買得起，二來香港傳聞得好少機，價格一直都無跌過。一般來講水貨會平過行貨，但睇番兩個星期後嘅今日，似乎仍然係水貨貴過行貨。
最新水貨報緊 16888，行貨就 17888，平左啲但仲係好貴。原因係咩唔難解，一來行貨想買唔易，加上本身部機無 Google Service，水貨試問邊個咁入，一陣貴入得來又賣唔出真係無咩著數，所以你見就算有人賣，都其實係報價要等，唔係有現貨。
新一代 Mate Xs 將採用前作 Mate X 相同的折疊方式，但就改用更強的 Kirin 990 5G 處理器，透過集成5G基帶的方式支援雙模5G，將會比上代更慳電！
HUAWEI Mate Xs 於外型上沿用上代 Mate X 的設計，該機正面為6.6吋 19.5:9比例屏幕(2480 x 1148)，而機背屏幕為 6.38吋25:9比例（2480 x 892)，展開後屏幕就為8吋 8:7.1比例(2480 x 2200)。於材質上採用了雙層結構，比起單層結構還要更堅固，令Mate Xs 的製造成本也多出三倍。同時，Mate Xs 在折疊鉸鏈上改用比起鈦合金材質還要堅固的材質，提升 Mate Xs 屏幕的耐用性。
規格方面，HUAWEI Mate Xs 配備了更強的 Kirin 990 5G 處理器，透過集成5G基帶的方式實現5G網絡功能，相比起上代 Kirin 980 + Balong 5000 的組合來更慳電及更強效能。此外，內建8GB RAM + 512GB ROM ，還搭載 4000萬像 + 1600萬像超廣角 + 800萬像長焦 + ToF 四枚LEICA 認証鏡頭，並支持三倍光學變焦、最高30倍變焦、2.5cm微距攝影及OIS + AIS防抖功能，電池容量為4500mAh(支援 55W 快充)，運行EMUI 10 系統。至於其他方面，Mate Xs 還支援手寫筆及 NFC 等。
