華為最新的攝影主力 P40 系列中的其中兩部 - P40 以及 P40 Pro 終於確定了香港市場的上市資料。值得一提的是,華為香港官方公布的價錢卻沒有比上代 P30 系列有向上調升,一反其他旗艦手機「年年加價」的常態。
華為 P40 的整體的規格、尤其在機背的三主鏡頭方面,P40 都有點像年前的 P20 Pro 、Mate 20 的一個加強版而已。三個鏡頭中唯一,可以與其他兩機看齊的就只有 5000 萬像素的主鏡頭,其餘的 1600 萬像素超廣角鏡以及 800 萬像素 3 倍光學變焦鏡頭,都是在 P20 Pro 身上見得到的舊配置。
P40 率先登場的兩機不用等,4 月 9 日就已經正式在香港各大零售渠道有售,價錢為:(8GB RAM + 128GB ROM):$4988
華為 P40 規格
![](https://www.techritual.com/wp-content/uploads/2020/03/image-14-1200x489.jpg)
屏幕尺寸:6.1 吋 AMOLED,解像度 1080 x 2340
機身體積:148.9 x 71.1 x 8.5 mm
重量:175g
處理器:Kirin 990 5G (2x 2.86GHz + 2x 2.36Ghz + 4x 1.95Ghz)
儲存空間:8GB RAM + 128GB ROM
主相機:5000 萬像素 (標準)、1600 萬像素 (超廣角)、800 萬像素 (3 倍長焦)
前置相機:3200 萬像素
電池容量:3800mAh
防水:有
WiFi 6:有
無線充電:有
5G:有
延伸閱讀:【詳解】什麼是 WiFi 6?特性與速度,支援路由器及手機推介 2020
![](https://www.techritual.com/wp-content/uploads/2020/04/20200404_huawei_p40openbox_18-1200x899.jpg)
▲ 華為 P40 採用三鏡頭,配置上有點年前旗艦的影子
P40 系列一如既往主打拍攝能力,不過近年華為機種在機身設計上都有自己一套,今日找來 P40評測的為歐版水貨,用的是兩腳插,但手機用其他 Type-C 火牛同樣可以充電無誤,另外盒內又有附送 Type-C 耳機。
![](https://www.techritual.com/wp-content/uploads/2020/04/20200404_huawei_p40openbox_05-1200x899.jpg)
![](https://www.techritual.com/wp-content/uploads/2020/04/未命名-1-1200x899.jpg)
雖然 P 系列的拍攝功能才是最強賣點,然而今代的 P40 用色旗艦味十足,尤其金、銀兩色的立體磨沙紋理處理更是可圈可點。不論 P40 或 P40 Pro 都會有 Frost Silver 以及 Blush Gold 這兩種顏色選擇。
Frost Silver 版本的 P40 Pro 機背 Blush Gold 版本的 P40 機背
作為同一個系列的機種,P40 與 P40 Pro 在配置上當然有不少相同之處,最簡單的一點就是兩機都採用 Kirin 990 5G 處理器,機身按鍵、插槽的設計都一樣,只不過 P40 Pro 在屏幕上就較大且加入了新的四曲面設計。
![](https://www.techritual.com/wp-content/uploads/2020/04/20200404_huawei_p40openbox_03-1200x899.jpg)
P40 (右) 與 P40 Pro(左)比較,可以見到 P40 的 6.1 吋平面屏幕黑邊較顯眼
![](https://www.techritual.com/wp-content/uploads/2020/04/20200404_huawei_p40openbox_10-1200x899.jpg)
P40 (右) 也比 P40 Pro 從正面看也明顯小一截。
![](https://www.techritual.com/wp-content/uploads/2020/04/20200404_huawei_p40openbox_13-903x1200.jpg)
P40 的金屬邊框則稍為平整,上手感覺就充實得多
![](https://www.techritual.com/wp-content/uploads/2020/04/20200404_huawei_p40openbox_11-1200x899.jpg)
P40(前)的前置鏡頭配置 3200 萬像素鏡頭 + Tof,其實同 P40 Pro 一樣,但整個前鏡的佔屏幕面積就細好多,無 P40 Pro(後)咁大。
![](https://www.techritual.com/wp-content/uploads/2020/04/20200404_huawei_p40openbox_14-1200x899.jpg)
P40 的SIM 卡槽一樣是放兩張 NanoSIM 或 一張 NanoSIM + 一張 NanoSD,並在機底用上 USB-C.
![](https://www.techritual.com/wp-content/uploads/2020/04/20200404_huawei_p40openbox_17-1200x899.jpg)
P40(上)與 P40 Pro 的開關、音量鍵一樣,皆位於右側
延伸閱讀:【詳解】什麼是 IP68 等級?手機防水防塵標準一次說明
P40 影相實測:3 倍變焦收貨
日光日白影成點?
P40 嘅相機雖然只係有 3 倍光學變焦,但佢同依家大部份嘅相機一樣,係光學變焦後,其實都會俾埋光學混合數碼變焦嘅選擇你,等你可以再推遠少少。我地首先就係辦公室嘅位置向樓下影。日光日白無論係 1 倍定 3 倍變焦都可以見到好清晰,而即使係推到去 5 倍嘅光學加數碼混合變焦,效果都仍然出色,白色車嘅車牌都仍然見到,而騎樓底嘅一啲暗位都仲見到少少細節,算係唔錯!
走入商場又點呢?
離開日光日白嘅大街,走入商場又會點呢?先來睇下 5 倍變焦嘅效果。好明顯睇到係光度不足嘅情況下,光學加數碼變焦始終都會有模糊及少少油畫化嘅情況,但以一部入門旗艦來講叫做可以接受,因為都仲叫岘到海報上嘅字體。
而你望埋後面個三張相,分別係 3 倍、1 倍及廣角,你就會發現,其實呢間無咩人食嘅壽司店距離其實好遠,用肉眼根本係唔可能睇到海報上嘅字體,更莫講話如果你係行住商場等位,想用手機 Zoom 埋去睇下仲有幾多個嗎碼到自己,以前嘅手機根本做唔到。
沒有用 AI 的食物相
P40 一樣都有 AI 模式,但係以下呢啲食物相係無開 AI 功能的,即係話張相係原圖直出,無加到味精,所以你到相片嘅顏色會淡一啲,但以餐廳內嘅燈光來講,對焦效果唔錯,但近少少影食物嘅時候就無可避免見到有啲遠景出現左失焦嘅情況,令人有點可惜。
結論:定位雞肋唔知點賣
講到 P40,作為入門旗艦嘅佢,係賣點上當然無 P40 Pro+ 或者 P40 Pro 咁多,但要作為一部出街用嘅手機,佢當然達到要求,特別係 3 倍光學變焦已經好夠日常使用,去盡少少推到去 5倍光學加數碼變焦,係日光日白仍然好吸引,只係你話要去到 P40 Pro 嘅 50倍或者 S20 Ultra 號稱嘅 100倍就好明顯係過份期望來。
如果華為手機用戶夠期換機,又唔想花太多錢,其實 P40 本身係一個好選擇,旗艦速度,3 倍光學變焦夠用,揸手也都好,唔太大,唔太細,但可惜係無 Google Service 嘅情況下,好多用開嘅野都用唔到,簡單如 WhatsApp 都仲未進入 HMS 呢個新家庭。係香港地無 WhatsApp 又點同朋友傾計呢?係呢個大條件下,就算 P40 做得幾好,用戶都未必埋單,或者繼續用番自己部舊機 P20 / P30,或者直頭轉會去 Samsung S20+ 都有可能。P40 到底邊個會買?應該定位俾咩消費者?確實好難諗。