飲水身體好，每日都要飲 8 杯水，依個雖然唔係咩大道理，但就係人都知，不過對於動物來說，佢地又未必會定時定量走去飲水，原因在於動物的天性都係鍾意飲活水源，平時就咁擺一碗水係度，真係吸引唔到佢地飲，所以市面又推出左名為「寵物飲水機」既好物，恰好利用動物既天性，令水源不斷流動，從而吸引貓貓、狗狗飲水。
好啦，到底咩係寵物飲水機呢？今次同你一文解說其工作原理、使用要點，以及運作上遇到既特別問題，仲會詳盡介紹埋不同品牌的水機俾你，同時比較一下兩大熱門型號：Petkit 及 Petoneer 的特點。
傳統喝水方式的缺點
首先，大家要知道，一般傳統的餵水方式就係會單單放一碗水，或者使用掛架式的水樽。傳統放碗水的方式，令灰塵、毛髮容易掉落水中，貓貓、狗狗要彎曲起個身去飲，對於年輕、健康的動物當然不會構成問題，問題就在於高齡的動物，曲起身會對牠們的頸部、脊椎帶來負擔。至於掛架式的水樽，亦未必令貓咪及大型的狗仔用舒適的姿勢飲水，直接影響牠們喝水的意慾。
仲有一個關於動物生理的重點，就是嘴旁兩邊連接神經系統的鬍鬚，由於是幫助動物貓咪判斷與物體的距離和方向，如果所用的容器太細的話，會令牠們的鬍鬚觸碰到容器的邊，直接造成困擾的狀況，影響飲食和喝水的意慾。所以大家要慎選寬口的容器及水機。
寵物飲水機結構解說
了解牠們的習性之後，接下來就是為寵物飲水機進行解說，寵物飲水機是由儲水倉、水泵組合、過瀘系統及活水盤而成，然後各品牌再加入特別的功能。例如 PETKIT 第 2 代 寵物智能飲水機可搭上加溫器，而 Petoneer Fresco Ultra 智能寵物飲水機，更具有 WiFi 連線功能，可以透過手機 app 監控水機運作，也可以連結 Google Assistant 及 Alexa。
- 活水盤
- 過濾系統
- 水泵組合
- 儲水倉
寵物智能飲水機內設有一個儲水倉，當接上電源運作時，水源會透過機內的水泵把水從儲水倉泵至頂部的出水口，湧向水糟的位置，而頂部水槽設有疏水孔，水會經過三重過瀘系統，配合瀘芯、瀘綿，以隔絕灰塵、毛髮之後，並再次向下流回儲水倉，形成一個活水循環系統。
不過要注意，寵物飲水機的過濾功能只是基本過濾，並不能與人類用的濾水機相比。各位貓奴唔好一時口渴，與主人共飲一水。
水機就是要造出「活水源」
水循環系統令水不斷流動，形成一種如「活水源」的環境，引發動物愛喝活水的天性，吸引佢地埋去飲更多的水，同時水機的頂層水槽邊位低，設計上巧妙地避開鬍鬚，減低鬍鬚觸碰到容器的機會。此外，由於機體都具有一定的高度，迎合不同身型的貓咪及狗仔，不會過低或太高，而影響牠們喝水。
寵物飲水機的選購要點
過濾會否是「假.過濾」？
大家在選購時，相信都會著重於水機過濾系統的部份，唔講你唔知，並唔係每一個牌子的水機都有依個系統，亦有部份聲稱有既，原來只不過是一塊簡單又薄過瀘紙，過瀘唔夠好的話，浮於水既毛髮、灰塵就會積晒係機內的水泵，除左水唔乾淨之外，仲好容易整壞部水機，所以大家選購既時候，要留意一下過瀘系統。
運作噪音會否過大？
此外，雖然寵物飲水機係為貓、狗而設，不過都要顧及「人」的部份，如果開機運作時，水泵發出太大嘈音，夜闌人靜時水流的聲音，亦會對生活帶來困擾。
無水會否提示/斷電？
其次，萬一儲水倉內無水，水泵就會因「乾燒」而壞，仲有，所以機身一定要有水量不足的提示功能，或者低過某水位，而啟動自動關機、斷電，以保安全。
所以大家在選購的時候，就要搵一部具有超靜音馬達的水泵，最好就係可以配合埋智能運作模式，可以因應日間、夜間而改變出水的頻率，儘量減低音量帶來的騷擾。
寵物飲水機評價 2019
市面上現時較流行的飲水機有 2 大品牌：PETKIT 及 Petoneer，兩個品牌分別有推出 4 個不同型的寵物飲水機，機款的設計相近，具備大容量的儲水倉、多重過瀘系統、寬闊的頂部水槽，分別就在額外功能：
- PETKIT EVERSWEET 第 2 代智能飲水機
- PETKIT EVERSWEET 第 3 代不鏽鋼寵物飲水機
- Petoneer Fresco Pro 智能寵物飲水機（WiFi）
- Petoneer Fresco Ultra UV 殺菌智能寵物飲水機
PETKIT EVERSWEET 第 2 代水機
優點：三重過瀘、智能雙運作模式、水量不足提示、自動關機、設加溫器出暖水
缺點：塑膠料機身、沒有後備電池，斷電不可運作。
機身尺寸為 18 x 18 x 15.5cm，儲水量為 2 公升，機身搭載了三層過濾系統，水由頂部水槽回流時，都會經過大網孔、微孔瀘綿、瀘芯，最後流回至底部的儲水倉，同時再經水泵湧至出水口，成為活水流循環系統，而且亦有更換濾芯提醒，令你掌握定時更換濾芯，確保水源健康。
機身採用超靜音馬達，配合智能運作雙模式的話，會因應日夜不同的時間，而改變湧泉頻率，減低水流聲引起的滋擾感覺，另外亦設有水量不足警示燈，當水位低至安全級別時，就會自動關機，保障用家。
仲有，PETKIT EVERSWEET 第 2 代水機亦有推出週邊配件，就係可以配合加溫器一齊用，冬天都可以提供暖水俾貓仔、狗仔飲。
售價：HK$358
查詢：PETKIT 第 2 代水機
PETKIT EVERSWEET 第 3 代水機
優點：智能脈沖水流、內置後備電池可不斷電運作、不鏽鋼機身，無咁易滋生細菌
缺點：儲水倉容量減少，不可搭配加溫器
第 3 代水機採用全新的設計，升級為 304 不鏽鋼，並改為圓筒式外觀，而儲水量則變小為 1.35 公升，好處就係無咁容易滋生細菌，同樣都有三層過濾系統及更換瀘芯提醒功能。特別之處在於一改水泵的設計，採用智能脈沖方式，頂部水槽的浮毛推至濾芯，更佳的過瀘效果。
全新的超靜音馬達比上一代減少 25% 噪音，配備智能運作雙模式，可因日夜而改變頻湧泉的出水效果，水機同時設有低水位提示，當水量不足時就會自動停機，避免發生意外，當家中停電的話，內置後備電池可確保水機不斷運作，即係你去左旅行或屋企無人都唔怕寵物無水飲。
售價：HK$658
查詢：PETKIT 第 3 代水機
Petoneer Fresco Ultra UV 殺菌型 智能寵物飲水機
優點：紫外光殺菌技術、手機 APP 管理、支援 WiFi 連線成為智能家電
缺點：價格非常高、塑膠物料
Petoneer Fresco Ultra 比起前兩者貴一倍！原因就係在於多左「紫外光殺菌技術」及「手機 APP 遠程管理」兩大功能，先簡單講介紹一下，水機都有多重過瀘功能，運作與 PETKIT 沒有多大的分別，水從頂部水槽回流時，都會經過網孔、瀘綿、瀘芯，最後流回至底部儲水倉，同時再由水泵把水湧出水口形成為活水循環。
三機的重點分別就係在於 Petoneer 在 2L 大容量的儲水倉內加入 UV253.7 紫外光殺菌技術，雖然都係塑膠物料呀，但用左紫外光就真係唔止清毛髮同灰塵，仲殺滅埋細菌，另外仲有高精度 TDS 水質探針，可以檢測到水質的情況，令你一目了然。缺水、換水、濾芯更換提醒這些功能都齊備。
機身採用超靜音水泵，亦有睡眠燈光感測，這些為「人」而設的功能，水機只需要用 USB 5V 供電就可以運作，5V 係咩概念？咪就係平時用黎充電話既移動電池，都已經可以足以供電俾水機，夠晒安全。
最後，Petoneer Fresco Ultra 係有自家專屬既應用程式，你可以從手機遠程控制水機，或查看水質的問題、水量等數據，既然可以用 app ，亦代表水機可以透過 WiFi 連接網絡，Petoneer 現時係支援 Google Assistant 和 Amazon Alexa 兩大語音系統，如果你有玩開智能家居既，依部機就啱晒胃口。
售價：HK$1,277
查詢：Petoneer Fresco Ultra
Petoneer Fresco Pro 智能寵物飲水機 (WiFi版)
優點：手機 APP 管理、支援 WiFi 連線成為智能家電
缺點：塑膠物料、不可無線運作
如果 Fresco Ultra 太貴的話，又想把寵物水機融入智能家居生態圈，你可以揀同品牌，平少少既 Petoneer Fresco Pro 智能寵物飲水機，外型設計與功能大致與前者相同，最大的分別就是其 2L 的儲水箱內沒有了「紫外光殺菌技術」。
Petoneer Fresco Pro 同樣地具有多重淨化過瀘系統，把水中的雜質去除掉之後再由水箱把水往上泵出，營造活水源的感覺，至於為「人」而設方面，機身採用超靜音水泵，亦有睡眠燈光感測，能夠因應光線而判斷你的作息時間，從而控制水流量。
此外，Petoneer 的專屬應用程式，讓你可以遠程控制 Petoneer Fresco Pro，只要連接上家中的 WiFi 網絡，你便可以在 app 的介面中查看水質、水量等數據，同時支援 Google Assistant 和 Amazon Alexa 兩大語音系統，即係可以叫：「OK,Google turn on/off [Petoneer Fresco Pro]」，控制水機開關。
售價：HK$798
查詢：Petoneer Fresco Pro(WiFi版)
平、中、貴價 揀邊部好？
如果沒有特別要求既，PETKIT 第 2 代水機係最簡單既選擇，重點係夠晒平，而同品牌既第 3 代水機就再靜啲之於，由於採用不鏽鋼機身，所以係無咁易滋生細菌，比較健康，價錢亦係中等位。雖然，Petoneer 有 UV 紫外光殺菌，仲支援 app 同 WiFi 連線，可以加入智能家居既生活圈，不過成千幾蚊就似乎未必個個負擔得起。
總之寵物水機就有平價、中價、貴價，單純從「寵物」出發既，可以揀平價既 PETKIT 第 2 代，想多少少為「人」著想，就中價機既就係 PETKIT 第 3 代，錢完全唔係問題的話，就直接買最貴架啦！
