現今世代，愈來愈著重上網的私隱，與以往隨便上網，不在乎自己的私隱不同。因為我們都知道自己的上網紀錄很可能為我們帶來不必要的麻煩。
在保障個人私隱的情況下上網，最簡單的方法是使用 VPN，利用加密工具把我們的上網紀錄等都保密起來。以往要用 VPN 很麻煩，免費的來歷不明，不僅不能保障自己更可能出賣自己；用買的又貴，限流量；自己建一個雖然便宜，不限流量，但技術門檻高，非人人都可以。
今天，時間剛剛好。著名的世界級內容發佈網絡（CDN），世界上其中一個抵擋網絡攻擊 DDOS 最強的公司 Cloudflare 在推出免費加密 DNS App 1.1.1.1. 後，正式推出免費 VPN 服務「Warp」及速度更快的付費 VPN 服務「Warp+」。
使用方法很簡單，你只要在 Android 或 iOS 手機安裝「1.1.1.1.」App，然後「一滑」啟動 1.1.1.1 及 Warp 就能使用 VPN 服務，簡單到任何人都識用，無唔用嘅原因。
唔用加密 VPN 會點呢？其實你上網時，電訊公司係可以睇到哂你所有紀錄的，所以任何人有法庭嘅准許就可以睇到你嘅上網資料，特別係你同人密計，或者用信用卡俾錢嘅時候，都好需要用 VPN 就係咁解啦！
暫時仍然未用到 Warp+ 與 Warp 嘅分別到底有幾大，未知 Warp 嘅速度到底會有幾快，但以香港嘅網絡速度，加上 Cloudflare 係亞洲 DNS 的速度排名第一，應該會好快！點都好，即刻安裝「1.1.1.1.」保安全。下載連結：「1.1.1.1.」（https://lihi1.me/K9msF）
現時只需要下載 1.1.1.1 App，就可以直接加入 CloudFlare Warp 免費 VPN 服務，不過暫時仍在登記階段，早一點登記可以確保更早開始使用 VPN 服務，以後連接公共 Wi-Fi 時就更安心啦。
先到 App Store 或 Google Play 找到 1.1.1.1 App 安裝。
首次使用可以順便啟動 1.1.1.1 DNS 功能。
只要簡單啟動，就會為用家修改 VPN 設定，以啟動 1.1.1.1 DNS 功能。
