安全專家 check point 早輪發現一個 OMA CP 訊息漏洞，即電訊商推送通訊設定嘅單向訊息。
實際情況即我地每次換 SIM 卡時，電訊商向我地手機推送嘅一個設定訊息，令我地手機可以打電話、上網等等，而駭客就係利用呢個漏洞去扮電訊商，從而改變我地手機上網嘅方式，連去其他伺服器來偷取或者作其他用途。
Android 手機好似 Samsung, Huawei, LG, SONY 都會中呢個 OMA CP 訊息漏洞，而 Samsung 及 LG 已經係今年 May & July 推出左更新，但 Huawei 及 SONY 就仲未有更新，呢兩個牌子嘅手機用家係小心，始終呢兩間公司嘅手機部門近來都係多事之秋，呢啲漏洞都唔知佢地幾時先會補好。
