iPhone 有快速鎖定功能，可以快速關閉指紋識別及 Face ID，咁到底 Android 有無呢個功能呢？答案係：YES。你用 Android 手機一樣可以做到。
Android 呢個功能叫「Lockdown」（鎖定模式），係 Android 本身嘅功能，無論你用 Sony, Samsung 等任何手機都可以做到。
首先，你去「設定」，選擇「鎖定螢幕」。
然後選擇「安全鎖定設定」，入到去選擇「以電源鍵立即鎖定」。
當你設定好後，只要按住「電源鍵」，令佢可以進入關閉屏幕嘅頁面，然後就會有「Lockdown」嘅選項。然後按一下「鎖定模式」就可以取消指紋及臉部識別，強制需要輸入密碼。
咁就唔怕俾人迫你解鎖啦！訓著覺都唔駛驚。
