香港的旅遊 Wi-Fi 蛋業務鬥爭激烈，提供服務嘅公司有大有細，選擇多過旅行社。
石先生去年年中與一位經營此業務嘅朋友傾計，她也直言提供相同服務的公司如雨後春筍，業內進行割喉戰，大家互相減價，利潤大減。她形容業界除了鬥價錢外，未來也需要鬥增值服務或效率，至最後慢慢淘弱留強，重新洗牌。
時間一點一滴過去，她的預言當然慢慢實現，從單日減價到後來改革取/還機計費日，至後來再出現的地鐵耳機服務，Wi-Fi 蛋公司雖然有錢賺但唔似以前咁輕鬆自在。
不過，隨著電訊商積極進入散戶旅遊漫遊行業，唔再單一依靠固有豐厚利潤嘅商務漫遊客戶，，Wi-Fi 蛋公司面對嘅難題愈來愈大，淘弱留強嘅情況相信好快出現。
面對呢種供應增、客量減、利潤縮嘅情況，有 Wi-Fi 蛋公司選擇與 7-Eleven 聯手，推出 7-Eleven 取/還機服務，一夜間擴大服務範圍，方便性大增，實在令人驚訝。
